Дзень народнага адзінства

Маштабнае святкаванне Дня народнага адзінства ў Баранавіцкім раёне пачалося) з ушанавання памяці загінуўшых воінаўГонар прымаць дзяржаўнае свята ў Баранавіцкім раёне выпала аграгарадку Русіно. Мерапрыемствы ў гонар Дня народнага адзінства ў сераду, 17 верасня, пачаліся з сімвалічнага моманту-цырымоніі ўскладання кветак і вянкоў да брацкай магілы № 424.

Шматлікія ўдзельнікі ўрачыстай цырымоніі – ад раённых уладаў да простых жыхароў аграгарадка-ушанавалі подзвіг афіцэраў і салдат, якія паклалі свае жыцці на алтар свабоды і незалежнасці Радзімы. У памяць аб загінуўшых героях была аб'яўлена хвіліна маўчання і прагрымелі залпы гармат.

У Дзень народнага адзінства ў аграгарадку Русіно Баранавіцкага раёна адкрылі новы арт-аб'ект.

Два буслы на пастаменце з надпісам У сучасным стылі сталі прызнаннем мясцовых жыхароў у любові да сваёй малой радзімы і будуць служыць напамінам будучым пакаленням пра важнасць даты 17 верасня для нашай краіны.

Адкрылі архітэктурную кампазіцыю старшыня Баранавіцкага раённага выканаўчага камітэта Раман Жук і дырэктар Баранавіцкай птушкафабрыкі Леанід Пянькоўскі.

Яшчэ адным акцэнтам раённага свята ў гонар Дня народнага адзінства стала адкрыццё у Русіно новай спартыўнай пляцоўкі для сямейнага вольнага часу. І гэта не проста пляцоўка: яна з'явілася дзякуючы перамозе праекта жыхароў аграгарадка ў конкурсе грамадзянскіх ініцыятыў. Сапраўднае адзінства ў дзеянні!