Дзень аховы працы на Баранавіцкай птушкафабрыцыке

На Баранавіцкай птушкафабрыцы прайшоў Дзень аховы працы, у якім прынялі ўдзел кіраўніцтва прадпрыемства, прадстаўнікі структурных падраздзяленняў, цэхаў і ўчасткаў, рабочыя і служачыя. Ганаровымі гасцямі мерапрыемства сталі Сяргей Канюшка, галоўны тэхнічны інспектар працы Брэсцкай абласной прафсаюзнай арганізацыі работнікаў аграпрамысловага комплексу, Ілона Пазняк, старшыня Баранавіцкай раённай прафсаюзнай арганізацыі, і Алена Клятаніца, старшы інспектар аддзела арганізацыі вытворчасці ўпраўлення па сельскай гаспадарцы і харчаванні райвыканкама.

У рамках праграмы "Дня аховы працы" ўдзельнікі прайшлі першасны інструктаж на працоўным месцы ў газавай кацельні, а таксама выканалі супрацьпажарныя мерапрыемствы ў вытворчай лабараторыі ветэрынарнага блока. Былі правераны працаздольнасць унутраных пажарных кранаў, сродкі індывідуальнай абароны работнікаў і праведзены агляд санітарна-бытавых памяшканняў на аддзяленні сартавання яек. Таксама адбылося адкрыццё класа-бяспекі дарожнага руху.

Пасля практычнай часткі мерапрыемства прайшло пленарнае пасяджэнне, на якім былі абмеркаваны ключавыя пытанні аховы працы на Баранавіцкай птушкафабрыцы і меры па ўдасканаленні гэтай працы.

У завяршэнне мерапрыемства Ілона Пазняк уручыла падзяку Аляксандру Бельмачу, грамадскаму інспектару па ахове працы Баранавіцкай птушкафабрыкі, за яго добрасумленную працу.